7 Tetor – Dita Nderkombetare e Punes se Denje: GADC ne mbrojtje te te drejtave dhe sigurise ne vendin e punes

Me rastin e Dites Nderkombetare te Punes se Denje, qe shenohet cdo vit me 7 tetor, Qendra “Aleanca Gjinore per Zhvillim” (GADC) zhvilloi nje fushate ndergjegjesuese kushtuar njohjes, respektimit dhe mbrojtjes se te drejtave te punetoreve dhe punetoreve, duke vene ne fokus te vecante kushtet e punes, sigurine dhe shendetin ne vendin e punes.

Puna e denje eshte nje e drejte themelore qe perfshin paga te drejta, kushte pune te sigurta dhe te shendetshme, mbrojtje sociale, trajtim te barabarte dhe mundesi per punonjesit qe te shprehin zerin e tyre ne vendimmarrjet qe ndikojne ne kushtet e punes. Kjo dite sherben si nje kujtese se cilesia e punes dhe respektimi i dinjitetit njerezor jane po aq te rendesishme sa vete mundesia per punesim.

Prej vitesh, GADC angazhohet ne mbrojtjen e te drejtave te punes, vecanerisht te grave dhe vajzave te punesuara ne sektorin e prodhimit te veshjeve dhe kepuceve ne Shqiperi. Permes takimeve informuese, keshillimit, mbeshtetjes ligjore, monitorimit dhe dialogut me institucionet pergjegjese, organizata punon per te fuqizuar zerin e punetoreve dhe per te nxitur respektimin dhe zbatimin efektiv te legjislacionit te punes.

Ne kuader te fushates se zhvilluar gjate Javes se Punes se Denje, GADC ndau materiale informuese mbi te drejtat themelore ne vendin e punes, duke theksuar rendesine e kontratave te rregullta te punes, pageses se drejte dhe ne kohe, sigurimeve shoqerore dhe shendetesore, pushimeve dhe lejeve te garantuara me ligj, si dhe mbrojtjes nga diskriminimi dhe trajtimi i padrejte.

Nje vemendje e vecante iu kushtua sigurise dhe shendetit ne vendin e punes, si nje element i pandare i punes se denje. Ne sektorin e prodhimit te veshjeve dhe kepuceve, garantimi i kushteve te sigurta kerkon masa te pershtatshme mbrojtese, informim dhe trajnim mbi rreziqet profesionale, kushte pune te shendetshme dhe ergonomike, si dhe vleresim dhe parandalim te vazhdueshem te rreziqeve.

GADC thekson se garantimi i sigurise dhe shendetit ne pune eshte pergjegjesi e punedhenesve, ndersa institucionet pergjegjese duhet te sigurojne monitorimin dhe zbatimin e legjislacionit. Njekohesisht, informimi dhe fuqizimi i punonjesve per te njohur dhe kerkuar respektimin e te drejtave te tyre mbetet thelbesor per parandalimin dhe adresimin e shkeljeve.

Raportimi i shkeljeve te te drejtave ne pune

Ne vijim te angazhimit per mbrojtjen e te drejtave te punonjesve, GADC rikujton se personat qe perballen me shkelje te te drejtave ne vendin e punes, kushte te pasigurta apo trajtim te padrejte mund te drejtohen ne numrin e gjelber 0800 1818, pa pagese, per raportim, keshillim dhe orientim lidhur me ndjekjen e rasteve.

Permes kesaj fushate, GADC rikonfirmon angazhimin e saj per promovimin e punes se denje, forcimin e mbrojtjes se te drejtave te grave punetore dhe nxitjen e pergjegjshmerise institucionale per kushte pune me te drejta, te sigurta dhe dinjitoze.

Aktivitetet ndergjegjesuese u realizuan me mbeshtetjen e Olof Palme International Center dhe Ambasades se Suedise ne Tirane.

Puna e denje nuk eshte privilegj. Eshte nje e drejte per te gjithe. Askush nuk duhet te rrezikoje shendetin apo jeten per te siguruar jetesen.