Activities
25 Shtator | Dita e Pagës së Jetesës
Me rastin e Dites se Pages se Jeteses, qe shenohet me 25 shtator, Qendra “Aleanca Gjinore per Zhvillim” (GADC) iu bashkua edhe kete vit nismes globale te rrjetit Clean Clothes Campaign (CCC), duke ritheksuar rendesine e garantimit te nje page qe u mundeson punonjesve dhe familjeve te tyre nje jetese dinjitoze.
Paga e jeteses mbeshtetet ne nje parim themelor: cdo punonjes duhet te kete te ardhura te mjaftueshme per te permbushur nevojat baze te jeteses, pa u kufizuar vetem ne mbijetesen ekonomike. Ajo duhet te mbuloje shpenzimet per ushqim, strehim, kujdes shendetesor, arsim, veshmbathje dhe transport, duke krijuar gjithashtu mundesi per perballimin e shpenzimeve te papritura dhe kursimin.
Garantimi i pages se jeteses eshte nje ceshtje e rendesishme e te drejtave te punes, barazise gjinore dhe drejtesise sociale. Kjo ceshtje merr rendesi te vecante per punonjesit ne sektore me paga te uleta, perfshire industrine e tekstileve dhe kepuceve, ku grate perbejne nje pjese te konsiderueshme te fuqise punetore.
Prej vitesh, GADC, si pjese e rrjetit nderkombetar Clean Clothes Campaign, angazhohet per promovimin e konceptit te pages se jeteses ne Shqiperi, rritjen e ndergjegjesimit publik dhe nxitjen e dialogut ndermjet institucioneve publike, punedhenesve, sindikatave dhe organizatave te shoqerise civile.
Permes aktiviteteve ndergjegjesuese, advokimit dhe bashkepunimit me partneret kombetare dhe nderkombetare, GADC synon te kontribuoje ne forcimin e mbrojtjes se te drejtave te punonjesve dhe promovimin e politikave qe garantojne kushte me te drejta pune dhe paga dinjitoze.
Dita e Pages se Jeteses sherben si nje mundesi per te rikujtuar se paga e jeteses nuk eshte privilegj, por nje element thelbesor i se drejtes per pune dhe jetese me dinjitet. Per arritjen e ketij qellimi nevojitet angazhim i vazhdueshem dhe bashkepunim ndermjet te gjithe aktoreve pergjegjes.
GADC mbetet e angazhuar per ta mbajtur kete ceshtje ne vemendjen publike dhe per te mbeshtetur perpjekjet drejt garantimit te pages se jeteses per punonjesit ne Shqiperi.
Per me shume informacion mbi Pagen e Jeteses ne Shqiperi, angazhimin e GADC dhe deklaraten e mbeshtetur nga organizata dhe sindikata shqiptare, vizitoni:
GADC
Research and Papers
