Forcimi i mbrojtjes se te drejtave zgjedhore te personave me aftesi te kufizuara permes trajnimit dhe pjesemarrjes aktive

Ne Tirane u zhvillua nje trajnim kushtuar mbrojtjes se te drejtave zgjedhore te personave me aftesi te kufizuara dhe parandalimit te korrupsionit zgjedhor, me pjesemarrjen e perfaqesuesve te organizatave qe mbrojne te drejtat e tyre, si dhe te vete personave me aftesi te kufizuara.

Trajnimi krijoi nje hapesire per diskutim, shkembim pervojash dhe identifikim te sfidave qe vazhdojne te pengojne ushtrimin e lire, te pavarur dhe te barabarte te se drejtes se votes. Permes diskutimeve interaktive, analizes se rasteve konkrete dhe nje ushtrimi simulues, pjesemarresit trajtuan ceshtje qe lidhen me aksesueshmerine e proceseve zgjedhore, sigurimin e informacionit te kuptueshem dhe forcimin e mekanizmave per raportimin e korrupsionit dhe shkeljeve te te drejtave zgjedhore.

Nje vemendje e vecante iu kushtua rendesise se perfshirjes se drejtperdrejte te personave me aftesi te kufizuara ne diskutimet dhe proceset vendimmarrese qe ndikojne ne ushtrimin e te drejtave te tyre. Pervojat dhe perspektivat e tyre jane thelbesore per identifikimin e pengesave ekzistuese dhe zhvillimin e politikave dhe praktikave zgjedhore vertet gjitheperfshirese.

Aktiviteti u organizua ne kuader te projektit “Avokim per te luftuar korrupsionin qe lidhet me aksesin zgjedhor per personat me aftesi te kufizuara, vecanerisht per te rinjte dhe vajzat e grate me aftesi te kufizuara ne Shqiperi”, i zbatuar nga Fondacioni Shqiptar per te Drejtat e Personave me Aftesi te Kufizuara (FSHDPAK), ne partneritet me Qendren “Aleanca Gjinore per Zhvillim” (GADC) dhe Qendren Rinore te Vlores.