Nga Teoria në Praktikë: Gratë e Peshkopisë krijojnë sapunin e tyre të parë

Të shtunën, më 11 tetor 2025, Qendra Aleanca Gjinore për Zhvillim (GADC) zhvilloi në Peshkopi trajnimin e katërt në kuadër të projektit “Ajo Drejton – Fuqizim Ekonomik për Gratë e Peshkopisë”, të mbështetur nga Agjencia për Mbështetjen e Shoqërisë Civile - AMSHC.

Ky sesion ishte i përqendruar në praktikën e prodhimit të sapunit, ku gratë pjesëmarrëse punuan vetë, duke ndjekur hap pas hapi procesin nga formula bazë, te përgatitja dhe përzierja e përbërësve, deri në krijimin e produktit final.

Grupi i parë i grave prodhoi edhe sapunët e tyre të parë artizanalë, duke e kthyer teorinë në aftësi konkrete dhe të prekshme. Pas disa javësh mësimi teorik e praktik, ky trajnim forcoi më tej besimin e grave se aftësitë artizanale mund të shndërrohen në mundësi reale për vetëpunësim dhe zhvillim ekonomik lokal.