Trajnimi i Radhës në Peshkopi: Gratë Mësojnë Prodhimin e Sapunit të Lëngshëm

Të shtunën, më 4 tetor 2025, Qendra Aleanca Gjinore për Zhvillim (GADC) zhvilloi në Peshkopi trajnimin e tretë në kuadër të projektit “Ajo Drejton – Fuqizim Ekonomik për Gratë e Peshkopisë”, të mbështetur nga Agjencia për Mbështetjen e Shoqërisë Civile - AMSHC.

Ky sesion ishte i fokusuar në prodhimin e sapunit të lëngshëm, ku gratë pjesëmarrëse ndoqën hap pas hapi procesin nga formula bazë, tek përgatitja dhe përzierja e përbërësve, deri në krijimin e produktit final.

Pas përvojave teorike dhe praktike të javëve të kaluara, ky trajnim e thelloi edhe më shumë njohjen e grave me artin e sapunbërjes, duke u dhënë siguri se aftësitë artizanale mund të kthehen në mundësi konkrete për vetëpunësim dhe krijimin e bizneseve të vogla lokale.