Trajnim në Bucimas: Gratë dhe të Rinjtë Bashkohen Kundër Ekstremizmit të Dhunshëm

Më 2 Tetor 2025, GADC zhvilloi një trajnim me gra dhe të rinj në njësinë administrative Bucimas, Pogradec. Pjesëmarrja dhe interesimi i madh treguan se komuniteti është i gatshëm për të qenë pjesë e zgjidhjes në parandalimin e ekstremizmit të dhunshëm.

Gjatë trajnimit u diskutua mbi faktorët që nxisin radikalizimin, mënyrat e parandalimit dhe ndërhyrjes së hershme, rëndësinë e bashkëpunimit mes shkollave, qendrave shëndetësore e institucioneve vendore, si dhe mbi komunikimin e qartë e empatik me të rinjtë dhe familjet e tyre.

Ky aktivitet u zhvillua në kuadër të projektit “Ndërtimi i Qëndresës tek të Rinjët dhe Gratë në Pogradec për të Parandaluar Ekstremizmin e Dhunshëm”, si pjesë e skemës së nën-grantimit të projektit “Fuqizimi i Strukturave Lokale dhe Institucioneve Qeveritare për të parandaluar Ekstremizmin e Dhunshëm dhe për të mbështetur procesin e Rehabilitimit dhe Ri-integrimit në Shqipëri”, financuar nga Global Community Engagement and Resilience Fund dhe zbatuar nga Nisma për Ndryshim Shoqëror, ARSIS në koordinim me Qendrën e Koordinimit kundër Ekstremizmit të Dhunshëm (CVE) dhe ACPD Albania.