Validimi i gjetjeve të studimit: Vlerësimi i Sfidave dhe Reagimeve Institucionale ndaj Dhunës me Bazë Gjinore në Sistemin e Kujdesit Parësor Shëndetësor në Shqipëri

Qendra "Aleanca Gjinore për Zhvillim" ju fton të merrni pjesë në aktivitetin e validimit të gjetjeve të raportit:

“Vlerësimi i Sfidave dhe Reagimeve Institucionale ndaj Dhunës me Bazë Gjinore në Sistemin e Kujdesit Parësor Shëndetësor në Shqipëri”

Ky aktivitet synon të ndajë me aktorët lokalë gjetjet kryesore të raportit, të mbledhë komentet dhe sugjerimet tuaja si dhe të kontribuojë në përmirësimin e shërbimeve dhe reagimeve institucionale ndaj dhunës me bazë gjinore në nivel lokal dhe kombëtar.

📍 Vendi: Europe House, Tiranë 
📅 Data: 20 Qershor 2025
🕘 Ora: 09:30 – 13:30

Të ftuar në këtë aktivitet do të jenë:
- Operatorë të kujdesit shëndetësor në qarkun e Tiranës
- Përfaqësues të bashkisë dhe qarkut
- Përfaqësues të institucioneve të linjës
- Organizata të shoqërisë civile
- Përfaqësues të medias lokale

Pjesëmarrja juaj është e një rëndësie të veçantë, pasi përvoja dhe mendimi juaj do të ndihmojnë në rishikimin përfundimtar të raportit dhe në ndërtimin e rekomandimeve të qëndrueshme për fuqizimin e sistemit shëndetësor në adresimin e dhunës me bazë gjinore.

Ju lutemi konfirmoni pjesëmarrjen tuaj brenda datës 15 qershor 2025 në adresën e emailit: [email protected] ose në numrin: +355696120169.