Takim me gratë punonjëse në sektorin fason - 17 Qershor 2025

Më 17 qershor, Qendra “Aleanca Gjinore për Zhvillim” zhvilloi një takim me 11 gra punonjëse të sektorit fason, për të diskutuar të drejtat e tyre në punë dhe mundësitë për përmirësimin e kushteve të punës.

U trajtuan çështje si kontratat, mbrojtja e grave shtatzëna, paga e drejtë, pushimet sipas ligjit dhe raportimi i shkeljeve përmes numrit falas 0800 1818. Vëmendje e veçantë iu kushtua shëndetit dhe sigurisë në vendin e punës, përfshirë incidentet dhe sëmundjet profesionale.

Pjesëmarrëset treguan angazhim të lartë, ndanë përvoja personale dhe theksuan rëndësinë e rrjetëzimit dhe organizimit për të mbrojtur të drejtat e tyre dhe për të ndikuar pozitivisht në kushtet e punës në sektorin fason.