Rrjeti POP në “Sweden on Tour” Pop-up Embassy në Durrës!

29.04.2025 GADC pjesë e “Sweden on Tour” – Pop-Up Embassy në Durrës!

Qendra "Aleanca Gjinore per Zhvillim" mori pjesë si koordinuese e Rrjetit POP në aktivitetin “Sweden on Tour” – Pop-Up Embassy në qytetin e Durrësit, në kuadër të nismës kreative disa vjeçare të Ambasadës së Suedisë në Tiranë, e cila synon të sjellë ambasadën më pranë qytetarëve në mënyra gjithëpërfshirëse dhe kreative.

Përmes pjesëmarrjes si pjesë e POP Network, patëm mundësinë të ndajmë përvojat tona dhe të prezantojmë angazhimin tonë për forcimin e demokracisë vendore, pjesëmarrjes qytetare dhe barazisë gjinore, në një atmosferë miqësore dhe frymëzuese në sheshin qendror të Durrësit.

Falënderojmë Ambasadën e Suedisë në Tiranë për këtë mundësi dhe për mbështetjen e vazhdueshme ndaj POP Network dhe organizatave që punojnë për një shoqëri më demokratike dhe gjithëpërfshirëse.