Konferencë Kombëtare "Fuqizim, Rikuperim, Riintegrim: Fuqizimi i Shërbimeve për Viktimat e Dhunës me bazë gjinore"

E nderuar Zonjë
I nderuar Zotëri,

Kemi kënaqësinë t’ju ftojmë të merrni pjesë në një konferencë të dedikuar përmirësimit të cilësisë së shërbimeve të rehabilitimit dhe riintegrimit për të mbijetuarat e dhunës me bazë gjinore në Shqipëri. Ky event do të mbledhë së bashku vendimmarrës, profesionistë dhe avokatë për të eksploruar strategji efektive, për të ndarë përvoja dhe për të zhvilluar plane veprimi për mbështetjen e atyre që janë prekur nga dhuna.

Kjo konferencë organizohet nga Qendra “Aleanca Gjinore për Zhvillim” në bashkëpunim me “Rrjetin Shqiptar për Fuqizimin e Grave”, si pjesë e projektit “Institucionalizimi i Shërbimeve Cilësore të Rehabilitimit dhe Riintegrimit për Viktimat e Dhunës II,” mbështetur nga Agjencia Austriake për Zhvillim.

Data: 27 Nëntor 2024
Ora: 9:00-15:00
Vendndodhja: Hotel Rogner, Salla Antigonea 2

Qëllimi i kësaj konference është të forcojë mirëkuptimin dhe bashkëpunimin ndërmjet aktorëve, të promovojë zgjidhje inovative dhe të krijojë një rrugë të qëndrueshme përpara për shërbime cilësore rehabilitimi dhe riintegrimi për viktimat e dhunës me bazë gjinore. Pjesëmarrja juaj është thelbësore për të nxitur një angazhim të përbashkët për përmirësimin e jetës së të mbijetuarve të dhunës.

Ju lutemi konfirmoni pjesëmarrjen tuaj deri më 26 nëntor 2024 duke iu përgjigjur këtij emaili: [email protected]. 

Presim me kënaqësi pjesëmarrjen dhe kontributin tuaj në këtë aktivitet për institucionalizimin e shërbimeve cilësore për viktimat e dhunës.