Workshop në Dibër mbi Parandalimin e Ekstremizmit të Dhunshëm

Më 12 nëntor 2024, Qendra Aleanca Gjinore për Zhvillim (GADC) organizoi një workshop njëditor në Dibër si pjesë e projektit “Krijimi i të Ardhmes: Fuqizimi i Grave të Reja për të Kundërshtuar Ekstremizmin dhe Radikalizmin” i cili zbatohet me mbështetjen financiare të Zyrës së Marrëdhënieve me Publikun të Ambasadës së SHBA në Tiranë. Workshopi bashkoi liderë komunitarë nga 15 njësi administrative për të thelluar kuptimin e tyre mbi ekstremizmin e dhunshëm. Qëllimi i workshopit ishte të pajiste pjesëmarrësit me njohuritë dhe aftësitë e nevojshme për të identifikuar shkaqet lokale të ekstremizmit, për të zbatuar strategji efektive parandalimi dhe për të nxitur bashkëpunimin midis institucioneve publike, qeverive lokale dhe shoqërisë civile.