Eventi Prezantues i Projektit "Krijimi i të Ardhmes: Fuqizimi i Grave të Reja për të Kundërshtuar Ekstremizmin dhe Radikalizmin" në Peshkopi

11.11.2024 Në Peshkopi u zhvillua eventi prezantues në kuadër të projektit “Krijimi i të Ardhmes: Fuqizimi i Grave të Reja për të Kundërshtuar Ekstremizmin dhe Radikalizmin” i cili zbatohet me mbështetjen financiare të Zyrës së Marrëdhënieve me Publikun të Ambasadës së SHBA në Tiranë. Në këtë event ishin prezent aktorë të rendësishëm në komunitet, të cilët diskutuan sfidat e ekstremizmit të dhunshëm dhe radikalizmit, veçanërisht tek gratë dhe vajzat e reja në Rajonin e Dibrës.

Eventi u hap nga drejtoresha ekzekutive e Gender Alliance for Development Center (GADC), Mirela Arqimandriti, e cila bëri një prezantim të projektit dhe rëndësisë së tij për komunitetin.

Pjesëmarrësit u përshëndetën nga:
• Z. Nexhbedin Shehu, Prefekti i Qarkut Dibër
• Z. Ruzhdi Deda, Zv. Kryetar, Bashkia Dibër
• Znj. Lorena Isaku, Qendra Kundër Ekstremizmit të Dhunshëm

Në diskutimin mbi trajtimin e sfidave të ekstremizmit të dhunshëm, Znj. Klejda Ngjela, Eksperte kundër Ekstremizmit të Dhunshëm, shpërndau ide për fuqizimin e vajzave dhe luftën kundër ekstremizmit përmes arsimit dhe zhvillimit të lidershipit.