Tryezë Diskutimi - “Shërbimet e rehabilitimit dhe riintegrimit, për gratë që i mbijetojnë dhunës, brenda sistemit të mirëqenies sociale në Republikën e Shqipërisë”.

Në datë 2.6.2021 Qendra “Aleanca Gjinore për Zhvillim” (GADC) dhe Rrjeti i Fuqizimit të Grave Shqiptare (AWEN) organizoi Tryezën e rrumbullakët: “Shërbimet e rehabilitimit dhe riintegrimit, për gratë që i mbijetojnë dhunës, brenda sistemit të mirëqenies sociale në Republikën e Shqipërisë.” Ky aktivitet u organizua në kuadër të projektit rajonal: "Institucionalizimi i Cilësisë në Programet e Rehabilitimit dhe Riintegrimit për gratë e vajzat që i mbijetojnë dhunës". Projekti zbatohet në bashkëpunim me rrjetin e organizatave që punojnë kundër dhunës me bazë gjinore në vendet e Ballkanit Perëndimor, të udhëhequr nga Qendra Autonome e Grave, Serbi dhe mbështetet nga Agjencia Austriake për Zhvillim.

Qëllimi i këtij aktiviteti ishte prezantimi i Raportit “Shërbime rehabilitimi dhe riintegrimi brenda sistemit të mirëqenies sociale në Republikën e Shqipërisë për gratë e mbijetuara nga dhuna”. Ky raport synon të përmirësojë legjislacionin dytësor/programet dhe institucionalizimin e shërbimeve cilësore për të mbijetuarat e Dhunës me Bazë Gjinore (DhBGj). Rezultati i projektit si edhe diskutimet e kësaj tryeze kanë për qëllim përmirësimin cilësor të shërbimeve të rehabilitimit dhe integrimit për të mbijetuarat e DhBGj në të gjitha vendet e Ballkanit Perëndimor përfshirë Shqipërinë.

Në këtë aktivitet morën pjesë rreth 60 përfaqësues të institucioneve të ndryshme të vendit, përfaqësues të shoqërisë civile, institucioneve lokale, media, donatorë etj. të cilët e ndoqën diskutimin online nëpërmjet platformës ZOOM.

Të pranishëm në tryezën e diskutimit ishin: z. Albert Nikolla, zv. Ministër i Shëndetësisë dhe Mbrojtjes Sociale (MSHMS), Dr. Christian Steiner, Ambasadori Austriak në Tiranë; znj. Merita Xhafaj, Drejtore e Përgjithshme e Politikave dhe Zhvillimit të Shëndetësisë dhe Mbrojtjes Sociale, znj. Blerta Gazheli – Koordinatore pranë qendrës Lilium, znj. Brikena Puka, Drejtore Ekzekutive e Qendrës Vatra, znj. Ines Leskaj, Drejtore Ekzekutive AWEN. Në këtë aktivitet sollën përvojën nga vendet e tyre, znj. Alexandra Nestorov nga Qendra Autonome e Grave, Serbi dhe znj. Adelina Berisha nga Rrjeti i Grave të Kosovës.

Klikoni këtu për të ndjekur aktivitetin e plotë. 

Klikoni ketu per te lexuar buletinin informativ ne gjuhen shqipe. 

Click here to read the English Newsletter

Për më shumë informacione ju lutemi të kontaktoni:
Znj. Mirela Arqimandriti
Drejtore Ekzekutive
Qendra “Aleanca Gjinore për Zhvillim”
marqimandriti@gadc.org.al

Opinions and
Suggestions

Open letter in regards to the handling of the case of Ms. Nazime Visha

Read more

GADC
Publications

GADC has prepared and published numerous publications on gender equality related issues.

GADC
Library

Search now for a title

Donors

Full list