Të Drejtat e Grave në Tregun e Punës

Titulli i projektit: “Sigurimi i kushteve të denja të punës për gratë punëtore në fabrikat e veshjeve dhe këpucëve në Shqipëri"

Kohëzgjatja:  Janar 2019- Dhjetor 2019

Donatori: Olof Palme International Center, me fonde të Ambasadës Suedeze në Shqipëri

Objektivi kryesor: Sigurimi i kushteve të denja të punës për gratë punëtore në industrinë e prodhimit të veshjeve dhe këpucëve dhe promovimi i respektimit të standardeve ndërkombëtare të punës në industrinë e veshjeve dhe këpucëve në Shqipëri.

Përmbledhje: Qendra "Aleanca Gjinore për Zhvillim” (GADC) me mbështetjen e Olof Palme International Center, me fonde të Ambasadës Suedeze në Shqipëri, ka zbatuar projektin: “Sigurimi i kushteve të denja të punës për gratë punëtore në fabrikat e veshjeve dhe këpucëve në Shqipëri". Qëllimi i këtij projekti është të analizojë situatën e grave që punojnë në sektorin e tekstileve dhe këpucëve si dhe të sjellë ndryshim pozitiv për kushtet e tyre të punës dhe jo vetëm.

Në kuadër të projektit janë zhvilluar aktivitetet e mëposhtme:

• Janë organizuar takime konsultuese mes GADC-së dhe sindikatave për të diskutuar mbi situatën e grave punonjëse në industrinë e prodhimit të veshjeve dhe këpucëve.
• Është krijuar një platformë advokimi për bashkëpunim midis GADC-së dhe sindikatave, si dhe aktorëve të tjerë socialë.
• Është organizuar një aktivitet i përbashkët me GADC, Komisionerin kundër diskriminimit, sindikatat, Inspektoratin Shtetëror të Punës dhe Shërbimeve Sociale, si dhe Inspektoratin Shtetëror Shëndetësor në Shqipëri.
• Është krijuar një mekanizëm raportimi anonim për punëtoret dhe është shpërndarë përmes fletëpalosjeve informacioni për numrin e gjelbër të GADC, 08001818.
• Fushatë ndërgjegjësuese me gratë që punojnë në këtë sektor.