Hartëzimi Social në Bashkinë Elbasan për Fëmijët me Aftësi të Kufizuara

Titulli i projektit: Realizimi i hartëzimit social LNOB dhe politikëbërjes së bazuar në evidenca në Bashkinë Elbasan dhe me fokus në Shërbimet e Qendrave Ditore për Fëmijët me Aftësi të Kufizuara. 

Kohëzgjatja e projektit: Korrik 2023 – Maj 2024

Donatori: Shoqata për Autonomi Vendore në Shqipëri

Qëllimi dhe Objektivat e Projektit: Qëllimi i përgjithshëm i projektit është të kontribuojë në drejtim të përfshirjes sociale të grupeve të disavantazhuara, duke përmirësuar cilësinë e jetës si dhe nxitur kohezionin social në nivel vendor duke promovuar lokalizimin e Agjendës 2030 dhe objektivave të saj, në veçanti parimit Leave no One Behind – LNOB (Askush të Mos Mbetet Pas) në nivelin e bashkisë.

Objektivat specifike: 

• Të kontribuojë për përmirësimin e hartimit të politikave vendore të mbrojtjes sociale për grupet e cenueshme në harmonizim me planet kombëtare të zhvillimit
• Të mbështesë Bashkinë Elbasan në zbatimin e metodologjisë së hartëzimit social LNOB në koordinim me stafin e qeverisë vendore. Kjo metodologji shtjellohet në kursin e-Learning të NALAS, “LNOB Social Mapping and Evidence-based Policy Making” (Hartëzimi Social LNOB dhe Politikëbërja e Bazuar në Evidenca).
• Të mbështesë Bashkinë Elbasan në zhvillimin e rekomandimeve të politikave bazuar në gjetjet e hartëzimit social dhe në përputhje me OZHQ-të prioritare dhe synimet përkatëse.
• Të mbështesë Bashkinë Elbasan në integrimin e rekomandimeve të politikave brenda programit përkatës të mbrojtjes sociale.