Analiza e Zinxhirit të Vlerave me Perspektivë Gjinore në nën-sektorin e Artizanatit

Qendra Aleanca Gjinore për Zhvillim (GADC) në kuadër të projektit: "Fuqizimi Ekonomik i Grave dhe perspektiva gjinore në zinxhirin e vlerave të biznesit", mbështetur nga Gender Equity and Equality Action (GEEA) i Departamentit të Shtetit, prezanton analizën e zinxhirit të vlerave të biznesit me perspektivë gjinore në nën-sektorin e artizanatit.

Nën-sektori i artizanatit ndikon ndjeshëm në ekonominë e Shqipërisë, duke ofruar të ardhura, punësim dhe ruajtjen e trashëgimisë kulturore. Kjo analizë me perspektivë gjinore synon të kuptojë nën-sektorin e artizanatit të Tiranës, të vlerësojë pjesëmarrjen e grave, të zbulojë rolet e bizneseve mikro dhe të vogla, veçanërisht të grave artizane dhe të hartojë zinxhirët e vlerave. Seminari shqyrton këto gjetje në mënyrë gjithëpërfshirëse.

Projekti "Fuqizimi Ekonomik i Grave dhe perspektiva gjinore në zinxhirin e vlerave të biznesit" i dedikohet fuqizimit të grave sipërmarrëse në Tiranë.

Qëllimi i projektit është fuqizimi i grave, reduktimi i pasigurive me të cilat gratë përballen duke kryer një analizë gjinore të zinxhirit të vlerave të biznesit në disa sektorë, dhe fuqizimi i grave sipërmarrëse për të marrë role më aktive në ekonomi.

Seminari do të mbahet në datë 31 Tetor 2023 ora 09:45 tek Kalaja e Tiranës.

Ju lutem konfirmoni pjesëmarrjen në adresën e email: [email protected]