Projekte
Krijimi i Aleancave Lokale Feministe Mjedisore
Titulli i projektit: Krijimi i Aleancave Lokale Feministe Mjedisore
Kohëzgjatja: Janar - Dhjetor 2022
Donatori: Bashkimi Evropian dhe bashkë-financuar nga Agjencia Suedeze për Bashkëpunim dhe Zhvillim Ndërkombëtar
Qëllimi i projektit është të mbështesë OSHC-të lokale të grave për të rritur kapacitetet e tyre në çështjet e gjinisë dhe mjedisit duke përdorur një “qasje të të mësuarit duke vepruar” dhe të adresojë në mënyrë të efektshme problemet mjedisore nga perspektiva gjinore.
Qëllimet specifike:
- Krijimi i Aleancave Lokale Feministe Mjedisore në tre bashki të synuara, të cilat të advokojnë për veprim mjedisor, sidomos lidhur me menaxhimin e mbetjeve në komunitetet e tyre.
- Rritja e ndërgjegjësimit për rolin e rëndësishëm që mund të luajnë gratë në nxitjen e veprimeve mjedisore.
- Arritja e ndryshimeve në politika dhe ligje në nivel vendor dhe qendror për menaxhim më të mirë të mbetjeve, duke ulur ndotjen dhe nxitur riciklimin.
- Rritja e ndërgjegjësimit tek popullsia e përgjithshme mbi nevojën për të marrë masa për mbrojtjen e mjedisit duke theksuar zërat e grave.
Projekti “Krijimi i Aleancave Lokale Feministe Mjedisore”, i zbatuar nga Qendra Aleanca Gjinore për Zhvillim, është mbështetur nga Reactor - Research in Action dhe partnerët e tyre përmes Aksionit "Avancimi i Barazisë Gjinore përmes Procesit të Anëtarësimit në BE". Ky Aksion financohet nga Bashkimi Evropian dhe bashkë-financohet nga Agjencia Suedeze për Bashkëpunim dhe Zhvillim Ndërkombëtar.
Përmbajtja e këtij postimi është përgjegjësi vetëm e Qendrës Aleanca Gjinore për Zhvillim dhe nuk reflekton domosdoshmërisht pikëpamjet e Bashkimit Evropian apo të Agjencisë Suedeze për Bashkëpunim dhe Zhvillim Ndërkombëtar.