Aktivitete
Tryezë diskutimi Vlorë – Zbatimi i objektivit të 3-të të Strategjisë Kombëtare dhe Planit të Veprimit 2016-2020
23 Dhjetor 2020
Qendra Aleanca Gjinore për Zhvillim në bashkëpunim me Bashkinë Vlorë organizoi një tryezë të rrumbullakët me temë “Funksionimi i Mekanizmit të Koordinuar të Referimit (MKR), Gjetjet dhe sfidat në zbatimin e objektivit të 3-të të Strategjisë Kombëtare dhe Planit të Veprimit 2016-2020”.
Qëllimi i këtij takimi ishte diskutimi i gjetjeve paraprake të monitorimit të MKR në bashkinë Vlorë, sfidave dhe rekomandimeve të secilit prej anëtarëve të Ekipit Teknik Ndërdisiplinor në menaxhimin e rasteve të dhunës ndaj grave dhe vajzave dhe dhunës në familje.
Referuar periudhës janar - nëntor 2020, nga Mekanizmi i Koordinuar i Referimit të Rasteve të Dhunës në Bashkinë Vlorë janë zbatuar sa më poshtë:
· 1 mbledhje e Komitetit Drejtues
· 8 mbledhje të MKR;
· Nënshkrimi i Protokollit të Ri për trajtimin e rasteve të dhunës në familje;
· Rishikim dhe rinënshkrim i Marrëveshjes së MKR-së
· 20 grupe aktivitetesh ndërgjegjësuese dhe ngritje kapacitetesh përgjatë vitit dhe fushata kombëtare kundër dhunës;
· Rreth 250 raste të dhunës në familje janë trajtuar nga MKR
Ky takim organizohet në kuadër të projektit “Ofrimi i ekspertizës teknike qeverisë dhe OSHC-ve për zhvillimin, buxhetimin, zbatimin dhe monitorimin e masave për adresimin e dhunës ndaj grave në Strategjinë e re për Barazinë Gjinore dhe Planin e Veprimit” i cili financohet nga BE dhe zbatohet nga UN Women.