Aktivitete
Tryezë diskutimi Korçë – Zbatimi i objektivit të 3-të të Strategjisë Kombëtare dhe Planit të Veprimit 2016-2020
Dhjetor 2020
Qendra Aleanca Gjinore për Zhvillim në bashkëpunim me Bashkinë Korçë organizoi një tryezë të rrumbullakët me temë “Funksionimi i Mekanizmit të Koordinuar të Referimit (MKR), Gjetjet dhe sfidat në zbatimin e objektivit të 3-të të Strategjisë Kombëtare dhe Planit të Veprimit 2016-2020”.
Qëllimi i këtij takimi ishte diskutimi i gjetjeve paraprake të monitorimit të MKR në bashkinë Korçë, sfidave dhe rekomandimeve të secilit prej anëtarëve të Ekipit Teknik Ndërdisiplinor në menaxhimin e rasteve të dhunës ndaj grave dhe vajzave dhe dhunës në familje.
Referuar periudhës janar - nëntor 2020, nga Mekanizmi i Koordinuar i Referimit të Rasteve të Dhunës në Bashkinë Korçë janë zbatuar sa më poshtë:
· 5 mbledhje të MKR;
· 2 projekte janë zbatuar nga Bashkia Korçë në 2020, të financuara nga buxheti i vet, për të ndihmuar në rastet e dhunës në familje dhe për ndërgjegjësimin qytetar në lidhje me këtë fenomen;
· 7 grupe aktivitetesh ndërgjegjësuese dhe ngritje kapacitetesh përgjatë vitit dhe fushata kombëtare kundër dhunës;
· 87 janë rastet e dhunës në familje të trajtuara nga MKR
Ky takim organizohet në kuadër të projektit “Ofrimi i ekspertizës teknike qeverisë dhe OSHC-ve për zhvillimin, buxhetimin, zbatimin dhe monitorimin e masave për adresimin e dhunës ndaj grave në Strategjinë e re për Barazinë Gjinore dhe Planin e Veprimit” i cili financohet nga BE dhe zbatohet nga UN Women.