Aktivitete
Tryezë diskutimi Sarandë – Zbatimi i objektivit të 3-të të Strategjisë Kombëtare dhe Planit të Veprimit 2016-2020
Dhjetor 2020
Qendra Aleanca Gjinore për Zhvillim në bashkëpunim me Bashkinë e Sarandës organizoi një tryezë të rrumbullakët me temë “Funksionimi i Mekanizmit të Koordinuar të Referimit (MKR), Gjetjet dhe sfidat në zbatimin e objektivit të 3-të të Strategjisë Kombëtare dhe Planit të Veprimit 2016-2020”.
Qëllimi i këtij takimi ishte diskutimi i gjetjeve paraprake të monitorimit të MKR në bashkinë e Sarandës, sfidave dhe rekomandimeve të secilit prej anëtarëve të Ekipit Teknik Ndërdisiplinor në menaxhimin e rasteve të dhunës ndaj grave dhe vajzave dhe dhunës në familje.
Referuar periudhës janar - nëntor 2020, nga Mekanizmi i Koordinuar i Referimit të Rasteve të Dhunës në Bashkinë Sarandë janë zbatuar sa më poshtë:
· 6 mbledhje të Grupit Teknik Ndërsektorial;
· 4 viktima të dhunës në familje kanë marrë bonusin e qirasë;
· 3 janë raste të dhunës në familje të trajtuara nga Mekanizmi Kombëtar i Referimit;
· 1 rast është referuar në Qendrën Kombëtare për Viktimat e Dhunës në Familje në Kamëz;
Ky takim organizohet në kuadër të projektit “Ofrimi i ekspertizës teknike qeverisë dhe OSHC-ve për zhvillimin, buxhetimin, zbatimin dhe monitorimin e masave për adresimin e dhunës ndaj grave në Strategjinë e re për Barazinë Gjinore dhe Planin e Veprimit” i cili zbatohet në kuadër të Programit të Përbashkët të Kombeve të Bashkuara "Për t'i dhënë fund dhunës ndaj grave dhe vajzave", financuar nga Qeveria e Suedisë dhe zbatuar nga UNDP, UN Women dhe UNFPA, në bashkëpunim me Qeverinë e Shqipërisë.