Takim me gra që i mbijetuan dhunës!

26.11.2020 Qendra "Aleanca Gjinore për Zhvillim" në kuadër të 16 ditëve të aktivizmit kundër dhunës me bazë gjinore, zhvilloi sot nje takim të mbyllur online me gra, që i mbijetuan dhunës në familje.

Synimi i këtij aktiviteti ishte për të dëgjuar nga afër dhe për të ndërhyrë në përmirësimin e jetës së tyre. Gratë në mënyrë të sinqertë ndanë historitë dhe problematikat e hasura gjatë përditshmërisë. Gjatë takimit ato patën mundësinë të bisedonin nga afër me koordinatoren vendore të dhunës në familje pranë Bashkisë Tiranë Znj. Anjeza Bojaxhiu, juristen e Qendrës për Nisma Ligjore Qytetare Znj. Lirie Dina e cila preku risitë në kuadrin ligjor gjatë muajve të fundit, si dhe psikologen Znj. Arjola Panteqi për t’u informuar mbi praktikat e rëndësishme që duhen ndjekur me fëmijet që janë pjese e ambjenteve ku është prezente dhuna.

Ky takim do të ketë ndjekje edhe ne ditët në vijim për problematikat e ngritura prej grave dhe nevojave që ato paraqesin duke i drejtuar për shërbime apo mbështetje të tjera.

Dëgjo!Beso!Mbështet!
#botaportokalli #16DaysofActivism #orangetheworld

Ky takim vjen në kuadër të Projektit: "Sigurimi i ekspertizës teknike për qeverinë dhe OSHC-të për zhvillimin, buxhetimin, zbatimin dhe monitorimin e masave për adresimin e dhunës ndaj grave në Strategjinë e re për Barazinë Gjinore dhe Planin e Veprimit” i cili financohet nga Bashkimi Evropian dhe zbatohet nga UN Wome