Prezantimi i raportit një vjeçar – Kontrata Sociale POP Bashkia Tiranë

16.11.2020 Në kuadër të projektit “Monitorimi i zbatimit të kontratës sociale në nivel lokal” i cili zbatohet në 9 bashki të vendit Tiranë, Durrës, Kukës, Pukë, Vlorë, Fier, Kamëz, Pogradec, Shkodër, Qendra “Aleanca Gjinore për Zhvillim” (GADC) organizoi sot prezantimin e gjetjeve dhe rekomandimeve te “Raportit POP mbi Monitorimin e përmbushjes së prioriteteve të Kontratës Sociale (gusht 2019 – gusht 2020)” në Bashkine Tiranë.

Takimi u realizua pranë Sallës së Këshillit Bashkiak të kësaj bashkie, me pjesëmarrjen e nën kryetares Znj. Anisa Ruseti, drejtuesve të drejtorive përkatëse sipas prioriteteve si edhe qytetarëve të Tiranës. Bazuar në këtë raport, puna e Bashkisë Tiranë është fokusuar në një pjesë të madhe të prioriteteve dhe po zhvillohen plane dhe projekte për plotësimin e tyre në mënyrë të plotë.