Të Drejtat e Grave në Tregun e Punës

Titulli i projektit: “Sigurimi i kushteve të denja të punës për gratë punëtore në fabrikat e prodhimit të veshjeve dhe këpucëve në Shqipëri"

Kohëzgjatja: Janar 2020 - Dhjetor 2020

Donatori: Olof Palme International Center, me fonde nga Ambasada Suedeze në Shqipëri

Qëllimi kryesor: Sigurimi i kushteve të denja të punës për gratë punëtore në industrinë e veshjeve dhe këpucëve dhe nxitja e respektimit të standardeve ndërkombëtare të punës në industrinë e veshjeve dhe këpucëve në Shqipëri.

Përmbledhje: Qendra "Aleanca Gjinore për Zhvillim” (GADC) me mbështetjen e Olof Palme International Center, me fonde nga Ambasada Suedeze në Shqipëri, ka zbatuar projektin: “Sigurimi i kushteve të denja të punës për gratë punëtore në fabrikat e prodhimit të veshjeve dhe këpucëve në Shqipëri". Qëllimi i këtij projekti është të analizojë situatën e grave që punojnë në sektorin e tekstileve dhe këpucëve si dhe të sjellë ndryshime pozitive për kushtet e tyre të punës dhe jo vetëm.