Rritja e qasjes së grave në punësim 2020

Donatori: Demokracia për Zhvillim në Prishtinë, Kosovë me fonde nga Ambasada Norvegjeze në Prishtinë
Objektivi i përgjithshëm: Rritja e pjesëmarrjes së grave në tregun e punës në Kosovë dhe Shqipëri përmes  advokacisë së synuar për të luftuar diskriminimin gjinor, promovuar punë të denja dhe zbatuar strategji miqësore për gjininë të cilat përmirësojnë praninë e grave në tregun e punës.

Objektivat specifikë:

Rritja e ndikimit të OSHC-ve në politikëbërje sa i përket pozicionit të grave në tregun e punës dhe zbatimit të parimeve të agjendës së punës së denjë.
Zhvillimi i kapaciteteve të agjentëve të komunitetit për të mundësuar një mjedis që nxit fuqizimin ekonomik të grave dhe punën e denjë.
Rritja e ndërgjegjësimit publik mbi rëndësinë e tregjeve përfshirëse të punës.

Përmbledhje e dy viteve të para të zbatimit:

Tregjet e punës në Shqipëri karakterizohen nga papunësi dhe norma të larta mosaktivizimi, si dhe mungesa e zbatimit të parimeve të punës së denjë. Adresimi i pabarazive midis burrave dhe grave lejon vendosjen e një rendi shoqëror në të cilin gratë dhe burrat ndajnë të njëjtat mundësi. Projekti synon të adresojë diskriminimin në tregun e punës që vazhdon të ekzistojë në Kosovë dhe Shqipëri – një problem që po pengon aktivizimin e grave në tregun e punës.