Mbledhja e nënshkrimeve për propozimin e projektligjit “Për krijimin e regjistrit kombëtar të autorëve të krimeve seksuale”

INFORMACIONI MBI NISMËN LIGJËVËNËSE

Komiteti përfaqësues i nismës ligjore kërkon realizimin e nismës ligjore nëpërmjet të cilës do ti propozohet Kuvendit të Republikës së Shqipërisë projektligji “Për Krijimin e Regjistrit Kombëtar të Autorëve të Krimeve Seksuale”.

Komiteti përfaqësues i nismës do të merret me të gjithë procesin e nismës ligjvënëse të zgjedhësve.

QËLLIMI DHE SHPJEGIMI I PËRMBLEDHUR I NISMËS LIGJVËNËSE

Qëllimi i nismës ligjore është ulja e abuzimit seksual si dhe parandalimi që abuzuesit të bëhen recidivistë.

Projektligji që do ti propozohet Kuvendit të Republikës së Shqipërisë, lidhet me mbrojtjen e viktimave nga abuzimi seksual.

Projektligji që do ti propozohet Kuvendit të Shqipërisë, “Për Krijimin Regjistrit Kombëtar të Autorëve të Krimeve Seksuale”, garanton mbrojtjen e viktimave nga abuzimi seksual nëpërmjet krijimit të një regjistri kombëtar të autorëve të krimeve seksuale, regjistër i cili do të jetë publik dhe i aksesueshëm nga të gjithë.

TË DHËNAT PËR PËRFAQËSINË/KOMITETIN PËRFAQËSUES TË NISMËS LIGJVËNËSE

Qendra “Linja e Këshillimit për Gra dhe Vajza”, “Rrjeti i Fuqizimit të Gruas në Shqipëri” dhe Qendra “Aleanca Gjinore për Zhvillim”, janë organizata jofitimprurëse që prej shumë vitesh veprojnë në fushën e mbrojtjes të të drejtave të njeriut, të cilat përfaqësohen nga:

Znj. Iris LUARASI - Qendra “Linja e Këshillimit për Gra dhe Vajza” Znj. Ines LESKAJ - Shoqata “Rrjeti i Fuqizimit të Gruas në Shqipëri” Znj. Mirela Arqimandriti - Qendra “Aleanca Gjinore për Zhvillim”