Aktivitete
Rritja e qasjes së grave në punësim në Vlorë
Qendra “Aleanca Gjinore për Zhvillim” (GADC) Shqipëri dhe “Demokraci për Zhvillim” (D4D) Kosovë po implemetojnë Projektin rajonal “Rritja e qasjes së grave në punësim” i cili mbështetet nga Ambasada Norvegjeze në Prishtinë.
Për këtë arsye, një prej përfitueseve të këtij projekti "Qendra për Zhvillim dhe Promovim Social" Vlorë kanë organizuar disa aktivitete:
4 takime informuese dhe advokuese me përfaqësues të institucioneve në qytetin e Vlorës. Takimet u zhvilluan me përfaqësues/drejtues të Zyrës Rajonale të Punësimit, Vlorë, me përfaqësues të Qendrës së Formimit Profesional, Vlorë, me përfaqësues të Drejtorisë së Shërbimeve Sociale-Bashkia Vlorë; dhe përfaqësues të Qendrës Vatra, Vlorë. Gjatë këtyre takimeve u shkëmbye informacion lidhur me situatën e papunësisë së grave dhe vajzave në qytetin e Vlorës, legjislacionin përkatës, institucionet vendore dhe qendrore që duhet të kontribuojnë në përmirësimin e situatës, si edhe mbi referimet e mëtejshme të grave dhe vajzave pranë QZHPS, të cilat kanë nevojë të shtojnë informacionin dhe reagimin e tyre.
6 sesione informuese dhe ndërgjegjësuese me studente të ciklit të studimeve Bachelor dhe Master, të Universitetit “Ismail Qemali”, Vlorë. Gjatë këtyre sesioneve, u informuan 56 gra dhe vajza. Ato u informuan në lidhje me të drejtat në tregun e punës, mundësitë reale dhe ekszistuese për punësim, qasjen ndaj punësimit, etj.
4 sesione trajnimi me 16 gra dhe vajza, studente pranë Universitetit “Ismail Qemali” Vlorë. Tematika e moduleve të trajnimit ishte e lidhur me të drejtat e grave dhe vajzave në tregun e punës si dhe me aftësimin e tyre për të njohur veten në mënyrë që të bënin një zgjedhje të mirëmenduar dhe më qëndrueshme në kohë përsa i takon punësimit të tyre. Trajnimi u fokusua në çështje të tilla si legjislacioni në fushën e marrëdhënieve të punës, eksplorimi i kompetencave individuale, eksplorimi i botës së punës, zhvillimi i një plani individual punësimi, përgatitja e një CV, përgatitja për intervistat e punës etj.