Shteti duhet të gjendet pranë grave dhe burrave punëtorë të Rafinerisë së Ballshit.

24.10.2020 Nga Mirela Arqimandriti - Qeveria Shqiptare duhet të ndërhyjë për të zgjidhur të gjitha çështjet e ngritura nga gratë dhe burrat naftëtarë, në cilësinë e administratorit të pasurive publike dhe garantues i funksionimit të sistemeve publike apo private në Shqipëri, detyrë e fituar me votë në Zgjedhjet Parlamentare 2017. Detyra themelore e shtetit në raport me ekonominë e cdo vendi është krijimi dhe mbarëvajtja e funksionimit të platformës ligjore dhe institucionale mbi të cilën zhvillohet aktiviteti ekonomik. Po ashtu shteti është garantuesi i zbatimit të Kushtetutës së Shqipërisë dhe dokumentave kombëtare e ndërkombëtare për mbrojtjen e lirive dhe të drejtave të njeriut në Shqipëri.

Në Ballsh, është e qartë që ka shkelje të rëndë të të drejtave të njeriut. Gra e burra që kanë pas vehtes familje me pesha të ndryshme social - ekonomike kanë të drejtë të përfitojnë atë që sistemi shqiptar i drejtësisë e ka dhënë me vendim gjykate të formës së prerë. Këto gra e burra kanë të drejtë mbi pasuritë e paluajtshme të shoqerise aksionere ku kanë punuar me vite të tëra, por qartazi kuptohet që asetet e kesaj shoqerie janë të pagarantuara dhe të pambrojtura.

 

Klikoni linkun për të lexuar më shumë.