Activities
Prezantimi i Projektit: “Rritja e Përfaqësimit të Gruas në Politikë e Vendimmarrje”
Tiranë, më 10 shkurt, 2015 – Qendra “Aleanca Gjinore për Zhvillim” (QAGJZH), prezanton projektin “Rritja e Përfaqësimit të Gruas në Politikë e Vendimmarrje”. Projekti do të realizohet gjatë vitit 2015 me mbështetjen e organizatës suedeze “The Olof Palme International Center” dhe financim të Qeverisë së Suedisë.
Ky projekt do të zbatohet në 20 bashki të Shqipërisë dhe do të përfshijë rreth 100 gra e vajza nga këto bashki. Projekti do të zbatohet në disa faza duke përfshirë periudhën para, gjatë e pas zgjedhore në lidhje me zgjedhjet lokale të 21 qershorit 2015.
Në datën 8 Mars 2015 projekti do të hapë portalin online www.AjoGaron.com që do të menaxhohet nga QAGJZH. Ky portal do u japë mundësi të gjithë qytetarëve që dëshërojnë të sugjerojnë e prezantojnë gra ose vajza si kandidate të mundshme të ardhshme për të drejtuar Shqipërinë në nivel lokal apo qendror.
Aktualisht përfaqësimi i gruas në politikë e vendimmarrje në Shqipëri është në nivele të ulta, duke lënë kështu gjysmën e popullsisë të papërfaqësuar sic duhet. 111 burra kundrejt 29 grave në Parlament, 231 gra kundrejt 1017 burrave në këshillat bashkiakë, sjellin një përfaqësim prej 32% më pak gra në politikë e vendimarrje.
QAGJZH është një organizatë jopartiake, joqeveritare, jofitimprurëse e cila është themeluar në vitin 1994, e që atëherë nuk ka rreshtur punën në mbrojtje të të drejtave të grave e vajzave shqiptare e për promovimin e barazisë gjnore. Per te gjithe ata qe nuk kane degjuar me pare per punen qe QAGJZH ka realizuar ne vite per promovimin e grave e vajzave ne politike me poshte jepen disa nga projektet e menaxhuaar me sukses ne vite. keshtu, per 4 vjet (2007- 2011) ne partneritet me organizaten Austriake "Horizont 3000" dhe MInistrine e Punes e Ceshtjeve Sociale mbeshtetur nga Ministra e Jashtme Austriake QAGJZH ka realizuar me sukses projektin "Barazi ne Qeverisje". Gjithashtu gjate vitit 2004 - 2006 Qendra Aleanca Gjinore ne bashkepunim me Agjencine e Zhvillimit Austriak kane zhvilluar me sukses projektin: "Rritja e perfaqesimit te grave e te rinjve ne forumet politike", duke sjelle emra te rinj grash e vajzash te cilat jane sot pjese e politikes se niveleve te larta ne Shqiperi.
Ne vitin 2011 me mbeshtetjen e OSBE ne Tirane QAGJZH trajnoi, me nje skuader te mrekullueshem trajneresh e me module bashkekohore, 330 gra e vajza kandidate per anetare te keshillave bashkiake.
Ne zgjedhjet e vitit 2013 QAGJZH pjese e Koalicionit per Zgjedhje te Lira e te Ndershme, monitoroi ne baze te parimeve statistikore dhe ne baze te parimeve te barazise gjinore e respektit per pakicat e per personat me aftesi te kufizuar 350 qendra votimi ne Tirane.