Inagurimi i fermës së dhive Pukë

10.10.2017 Qendra Aleanca Gjinore për Zhvillim përuroi sot, fermën e dhive për gratë e fshatit Luf, të bashkisë Pukë, ne kuadrin e projektin më te ri dhe sfidues: “Fuqizimi i Grave ne Shqiperi per te Siguruar Shanse te Barabarta”. Ky projekt është dedikuar për fuqizmin e grave në Puke dhe  financohet nga Ministria e Punëve të Jashtme Sllovene. 

Për zbatimin e ketij projekti GADC po punon ne partneritet me organizaten Sllovene “Forumi per Zhvillim te Barabarte” (Forum za enakopraven razvoj – FER 

Ne ceremonine e hapjes se fermes moren pjese: Ambasadorja e Sllovenisë në Shqipëri ( Embassy of Slovenia in Tirana ) znj. Lea Stančič, Kryetari i Bashkisë Pukë z.Gjon Gjonaj per Puken znj. Ana Kalin dhe znj. Darja Sekula nga organizata “Forumi për shance të barabarta” (Forum za enakopraven razvoj - FER) znj. Mirela Arqimandriti, drejtore ekzekutive e Qendrës Aleanca Gjinore për Zhvillim, punonjës të Bashkisë Pukë, personalite të ndryshme nga institucione në Pukë, gra e burra nga Njësia Administrative Luf e Qerret, përfaqësues të shoqërisë civile, media biznesi etj.

Ferma iu dhurua një grupi grash dhe qëllimi kryesor është rritja e fermës nga 20 dhi në 100 dhi në vitin e parë të jetës së saj e për ta dyfishuar numrin në vitin e dytë. Kjo fermë do të shërbejë për të fuqizuar gratë pjesëmarrëse dhe rritur bashkëpunimin midis tyre. Ferma do të jetë e qendrueshme e do ti shërbejë një numri të madh grash me qëllim replikimin në fshatra të tjerë. Ky projekt u bë realitet në sajë të ndihmës dhe mbështetjes së bashkisë Pukë dhe sidomos kryetarit të saj.