Activities
Tryezë diskutimi në lidhje me përmirësimin e kushteve të punës së grave punonjëse në sektorin e prodhimit të veshjeve dhe këpucëve.
29 maj 2019
"Aleanca Gjinore per Zhvillim" në bashkëpunim me Unionin e Fasionistëve të Shqipërisë si dhe me Inspektoriatin e Punës dhe Shërbimeve Shoqërore dhe Inspektoriatin Shtetëror Shëndetësor organizoi një tryezë me bazë të gjerë diskutimi në lidhje me përmirësimin e kushteve të punës së grave punonjëse në sektorin e rregjimit të përpunimit aktiv në fushën e prodhimit të veshjeve dhe këpucëve.
Dialogu midis krerëve të institucioneve të rëndësishme shtetërore dhe përfaqësuesve të bizneseve të këtij sektori do të shërbejë për përmirësimin e kushteve të punës dhe zbatimin më të mirë të Kodit të Punës si dhe të Ligjit për Sigurinë e Shëndetin në Punë ne kete sektor.
Në takim morën pjesë Aleko Polo, përfaqësues i Ministrit të Shtetit për Mbrojtjen e Sipërmarrjes, Arben Seferaj, Krye Inspektor, Inspektoriati Shtetëror i Punës, Vjollca Braho, Krye Inspektore, Inspektoriatit Shtetëror Shëndetësor, Erion Prifti, Zv. Drejtor i përgjithshëm i tatimeve, Bardhi Sejdarasi, drejtor ekzekutiv, Unioni i Fasonistëve të Shqipërisë, Edison Hoxha, Qendra per te Drejtat e Punetoreve.
Në këtë dialog morën pjesë përfaqësues të sindikatave të Shqipërisë, Kol Nikollaj, President i Konfederata Sindikatave te Shqiperise- KSSh, Anisa Subashi, zëvendës presidente e KSSh, Hajdar Kanani, Sekretar i Pergjithshem i Federates se Sindikatave te Punonjesve te Tekstilit dhe artizanatit, Konfederata Sindikatave te Shqiperise, Myftar Ismalaja, President i SPILT Bashkimi i Sindikatave te Pavarura te Shqiperise- BSPSH
Ky dialog publik u realizua në kuadër të projektit “Të drejtat e grave punonjëse në sektorin e veshjeve e këpucëve”, të mbështetur nga Olof Palme International Center dhe Embassy of Sweden in Tirana
Në takim mori pjesë dhe solli përvojën suedeze në Shqipëri në lidhje me bashkëpunimin sindikal për përmirësimin e kushteve të punëtorëve Johan Schmidt, Koordinator Rajonal, Olof Palme Centre International dhe Plejada Gugashi koordinatore per Shqiperin e OPC.
Rekomandimet qe dolen nga takimi do te ndiqen me tej nga "Aleanca Gjinore per Zhvillim", ne kuader te punes 3-vjecare per pune te denje dhe përmirësimit te kushteve të punës së grave punonjëse në sektorin e rregjimit të përpunimit aktiv në fushën e prodhimit të veshjeve dhe këpucëve.