Promovimi i të drejtave të punës për gratë

Tiranë, 22 Janar 2020

Katërmbëdhjetë organizata të shoqërisë civile nga rajoni do të përfitojnë grante në vlerë prej rreth 200,000 € në total nga Rrjeti i Grave të Kosovës, Qendra Aleanca Gjinore për Zhvillim dhe partnerët e tjerë në Koalicionin e Organizatave për të Drejtat e Grave kundër Diskriminimit në Ballkanin Perëndimor.

Organizatat përfituese nga Shqipëria janë Rrjeti i Fuqizimit të Gruas, Qendra për Zhvillim Komunitar "Sot për të Ardhmen" si dhe Linja e Këshillimit për Vajza dhe Gra. Nismat e tyre kanë për qëllim promovimin e të drejtave të grave në vendin e punës dhe adresimin e diskriminimit si pjesë e nismës: "Promovimi i të Drejtave të Punës për Gratë", i financuar nga Bashkimi Evropian dhe i bashkëfinancuar nga Bashkëpunimi Suedez për Zhvillim.

#DiskriminimiBënDëm #PunëPaDiskriminim