Monitorimi i Mekanizmave të Koordinuar të Referimit për dhunën me bazë gjinore

Titulli i Projektit: "Ofrimi i ekspertizës teknike qeverisë dhe OSHC-ve për zhvillimin, buxhetimin, zbatimin dhe monitorimin e masave për të adresuar dhunën ndaj grave në Strategjinë e re për Barazinë Gjinore dhe Planin e Veprimit”

Kohëzgjatja e Projektit: Prill 2020 - Prill 2021

Financuar nga:  BE dhe zbatuar nga UN Women. 

Qëllimi kryesor i projektit është të fuqizojë organizatat e shoqërisë civile në Shqipëri për të siguruar që kuadri ligjor për mbrojtjen e viktimave të dhunës të jetë në përputhje me standardet ndërkombëtare dhe të mbajë përgjegjëse institucionet publike për t’i zbatuar këto standarde në praktikë.

Produkti 1: OSHC të ndryshme të grave në Shqipëri fuqizohen për t’i mbajtur përgjegjëse në mënyrë efektive institucionet përkatëse të nivelit vendor për zbatimin e legjislacionit kundër dhunës në familje, sidomos Strategjinë Kombëtare për Barazinë Gjinore

Produkti 2: Strategjia e re Kombëtare për Barazinë Gjinore reflekton normat dhe standardet ndërkombëtare si dhe mësimet e nxjerra nga monitorimi i strategjisë së mëparshme 

Gjatë 2020-ës, projekti po zbatohet në: Tiranë, Shkodër, Korçë, Elbasan, Vlorë, Durrës, Berat, Pukë, Kurbin.