Activities
GADC në Konferencën Rajonale “Gratë e Fuqizuara - Fuqizojnë Gratë”
14.5.2024
GADC pati kënaqësinë të merrte pjesë në konferencën rajonale “Gratë e Fuqizuara - Fuqizojnë Gratë”, organizuar nga Demokraci për Zhvillim (D4D) në Prishtinë, ku u theksua nevoja për rritje të vetëdijes qytetare lidhur me rëndësinë e kontributit të grave në shoqëritë tona dhe të rritjes së qasjes së grave në tregun e punës.
Në këtë konferencë u lançua hulumtimi rajonal “Gratë e Fuqizuara - Fuqizojnë Gratë”, i zhvilluar në 5 shtete të Ballkanit Perëndimor: Kosovë, Maqedoni e Veriut, Mali i Zi, Serbi dhe Shqipëri. GADC prezantoi gjetjet kryesore të studimit për Shqipërinë, duke u fokusuar në nivelin e mbështetjes që gratë marrin nga njëra-tjetra në tregun e punës.
Ky aktivitet u mbajt në kuadër të projektit “Shfrytëzimi i Zhvillimit: Rritja e qasjes së grave në punësim”, i zbatuar nga Instituti Demokraci për Zhvillim dhe i financuar nga Ambasada Norvegjeze në Kosovë.