Forumi Vjetor #GoingGlocal i Rrjetit të Mbikëqyrjes së Buxhetimit Gjinor në Shkup

Përgjatë 19-20 Tetorit është mbajtur Forumi Vjetor #GoingGlocal i Rrjetit të Mbikëqyrjes së Buxhetimit Gjinor në Shkup, Maqedoni e Veriut. Forumi mblodhi së bashku 90 pjesëmarrës me qëllim për të diskutuar rreth influencimit të politikave lokale dhe globale në sektorin e barazisë gjinore, veçanërisht në politikat që lidhen me proceset buxhetore.

Objektivi i Forumit ishtë të prezantojë njohuritë dhe përvojat e deritanishme duke përdorur qasje të ndryshme në BPGJ në transformimin lokal të komunikojë përdorimin e kësaj metodologjie në strategjitë dhe metodat globale të buxhetimit gjinor. Gjithashtu u prezantuan metodologjitë dhe mjetet e bazuara në praktikat më të mira globale dhe lokale për gjurmimin e financimit ndërkombëtar drejt barazisë gjinore përmes përmirësimit dhe zhvillimit metodologjisë.

Eventi u zhvillua në 8 panele folëse dhe grupe pune ku u nxit diskutimi mbi aplikimin e mjeteve të Buxhetimit të Përgjigjshëm Gjinor (BPGJ) në rajon, zhvillimit të mëtejshëm të tyre, dhe qëndrueshmëria financiare në raport me ndryshimet klimatike dhe mbrojtjen e mjedisit. Ekspertë të njohur nga e gjithë Evropa, organizatat ndërkombëtare, aktivistë të OSHC-ve dhe palë të interesuara iu bashkuan Forumit për të diskutuar përvojat e tyre, kërkimet, dhe idetë metodologjike që mundësojnë aplikimin e metodave efektive për të avancuar qeverisjen e mirë në nivel qendror dhe rajonal duke përdorur mjetet e BPGJ-së.

Projekti, "Forcimi i transparencës dhe llogaridhënies për barazinë gjinore në Ballkanin Perëndimor dhe Moldavi (Rrjeti Mbikëqyrës i Buxhetimit Gjinor, Faza II), mbështetet nga Agjencia Austriake për Zhvillim dhe Agjencia Suedeze për Zhvillim dhe Bashkëpunim Ndërkombëtar, Sida - Styrelsen för Internationellt Utvecklingssamarbete.