Trajnim me Gra në Biznes të Njësisë Administrative nr. 7 në Tiranë

Qendra Aleanca Gjinore për Zhvillim po zbaton projektin "Fuqizimi Ekonomik i Grave dhe Perspektiva Gjinore në Zinxhirin e Vlerave të Biznesit" me qëllim të adresimit të çështjeve të barazisë gjinore dhe fuqizimit ekonomik të grave në kontekstin e pandemisë COVID-19 dhe ndryshimeve klimatike.

Projekti mbështetet nga Gender Equity and Equality Action (GEEA) i Departamentit të Shtetit dhe Ambasada e SHBA në Tiranë.

Gratë ballafaqohen me pasiguri dhe pengesa në arritjen e suksesit ekonomik ndikuar dhe nga pandemia apo sfida klimatike,.

Projekti synon të përmirësojë qasjen e tyre në tregun e biznesit dhe t'i fuqizojë ato si sipërmarrëse, duke krijuar një ndryshim pozitiv dhe shërbyer si burim inkurajimi dhe frymëzimi për gratë me talent sipërmarrës.

Qëllimi kryesor i projektit është të fuqizojë ekonomikisht gratë dhe të ulë nivelin e pasigurisë që përjetojnë.

Trajnimi i radhës me fokus ndarje të njohurive në fushën e aksesit në financa, buxheteve, produkteve bankare, zinxhirit të vlerave dhe produkteve të sigurimeve, për të ndihmuar gratë të marrin vendime të informuara dhe të tejkalojnë pengesat në zhvillimin e biznesit, u mbajt në datë 02.06.2023 tek Hotel Classic me gratë në biznes në njësinë administrative nr. 7, si dhe ekspertë.

Përveç trajnimeve, projekti promovon krijimin e një mjedisi të inkurajues për diskutim dhe bashkëpunim, duke lejuar gratë të ndajnë përvojat e tyre, të mësojnë nga njëra-tjetra dhe të zhvillojnë strategji inovative për të përparuar në zhvillimin e biznesit.