Elbasan_Tryeza e diskutimit “Të përmirësojmë kushtet e punës në fabrikat e veshjeve dhe këpucëve në Shqipëri”

9.12.2022

Qendra "Aleanca Gjinore per Zhvillim" me mbeshtetjen e Solidarity Center ka organizuar ne date 9.12.2022 Tryezen e diskutimit me temë “Të përmirësojmë kushtet e punës në fabrikat e veshjeve dhe këpucëve në Shqipëri”

Në këtë tryeze moren pjesë përfaqësues të institucioneve shtetërore: Znj. Marsida Hyseni nga Agjencia Kombëtare e Punësimit dhe Aftësive, Drejtoria Rajonale Elbasan; Z. Enver Shkurti - Inspektoriati Shtetëror Shëndetësor, Elbasan; Z.Egliver Laloshi, Përgjegjës i Sektorit të Inspektimit, Inspektorati Shtetëror i Punës dhe Shërbimeve Shoqërore, Drejtoria Rajonale Elbasan; Komisioneri për Mbrojtjen nga Diskriminimi Z. Robert Gajda, përfaqësues të Solidarity Centre Z. Steven McCloud; Z. Edvin Prence nga Pro Eksport Albania si edhe përfaqësues të biznesit të prodhimit të veshjeve dhe këpucëve në Elbasan. 

Disa prej çështjeve të diskutuara: 

• Situata e punësimit në fabrikat e prodhimit të tekstileve dhe këpucëve (sa janë të punësuar në total, sa gra, sa po preket indrustria nga mungesa e fuqisë punëtore, si është gjendja tani pas pandemisë, etj).
• Kushtet e punës në fabrikat e prodhimit të tekstileve dhe këpucëve.
• Funksionimi i Këshillave të Sigurisë dhe Shëndetit në Punë.
• Ceshtje te lidhura me Konventen C-190 kunder dhunes dhe ngacimimit ne vendin e punes.
• Inspektimet që kryhen në këtë sektor; Ndërmarrjet prodhuese që punojnë në informalitet: kushtet e vështira për punëtorët dhe puna në të zezë (sa evidentohen këto raste, si e prishin konkurencën e ndershme me ndërmarrjet e rregullta).
• Masat që po merren për të përmirësuar situatën në këtë industri.
• Si ka ndikuar projekti i qeverisë për të kaluar prodhimin në cikël të mbyllur, si po reflektohet kjo te punësimi, pagat dhe kushtet e punës.