Activities
Dita botërore e punës së denjë - Paga e Jetesës
Qendra “Aleanca Gjinore për Zhvillim”në kuadër të ditës botërore të Punës së Denjë ka organizuar sot një tryezë diskutimi “Paga e Jetesës. Sa të ardhura mujore i nevojiten një punëtori për të jetuar denjësisht” me pjesëmarrjen e përfaqësuesve të disa institucioneve dhe shoqërisë civile.
Gjatë këtij aktiviteti u diskutua mbi punën e denjë dhe nevojën për promovimin dhe mbështetjen e përmirësimit të kushteve të punës në industrinë tekstile dhe të veshjeve. Qëllimi i këtij aktiviteti ishte edhe prezantimi i Raportit “Standarti i pagës bazë në Evropë – Paga e Jetesës’, raport ky i hartuar nga Rrjeti “Clean Clothes Campaign”, studim në të cilin u përfshi edhe Shqipëria. Raportin e plotë mund ta lexoni duke klikuar linkun:
https://gadc.org.al/media/files/upload/CCC_EuropeFloorWage_report_WEB_ALB.pdf
Në këtë takim virtual mori pjesë edhe znj. Erinda Ballanca, drejtuese e Institucionit të Avokatit të Popullit, ku ndër të tjera foli edhe për “Raportin për Standardin e Minimumit Jetik në Shqipëri” të hartuar nga institucioni, raport i cili po konsultohet nga publiku përpara se të kalojë në kuvend.
Gjithashtu në takim mori pjesë edhe znj. Eda Beqiri nga Inspektoriati Shtetëror i Punës dhe Shërbimeve Shoqërore ku ndër të tjera theksoi punën e ndërsjelltë mes GADC dhe ISHPSHSH për raportimet e mbërritura në numrin pa pagesë 08001818 dhe ndjekjen e tyre nga ana institucionale.
Pjesë e takimit ishte edhe znj. Ermira Mitrushi, nga CLR e cila solli në vëmendje çështje të sigurisë dhe shëndetit në punë dhe boshllëqeve që ka sektori fason sa i përket mjekëve të kompanisë apo edhe këshillave operativë të sigurisë.
Qendra Aleanca Gjinore per Zhvillimi prej vitesh punon në terren por edhe me studime dhe analiza sa i përket grave dhe vajzave që punojnë në fabrikat e prodhimit tekstil dhe të këpucëve dhe me mbështetjen e Olof Palme International Center, momentalisht kemi në proces gjyqësor duke ju dhënë ndihmë ligjore falas 7 raste të raportuara pranë GADC.
Takime të tilla do të vijojnë, sepse tema mbi pagën e jetesës dhe të jetuarit denjësisht duhet të marrin gjithmonë e më shumë vëmendje.